కోడిపందేల్లో సందడి చేసిన జబర్దస్త్‌ నటులు

నరసాపురం: ఈటీవీలో ప్రసారమయ్యే జబర్దస్త్‌షోకు చెందిన నటులు కోడిపందేలలో సందడి చేశారు. పశ్చిమ గోదావరి జిల్లా నరసాపురంలో జరిగిన సంక్రాంతి సంబరాల్లో  ఆటో రాంప్రసాద్‌, రైజింగ్‌ రాజు, దొరబాబు పాల్గొన్నారు. అక్కడ జరిగిన కోడిపందేలను వీక్షించారు. పందేలు చూడాలన్న కోరిక ఇన్ని రోజులకు తీరిందని రాంప్రసాద్‌ అన్నారు. అంతేకాకుండా నేను రెండు కోళ్లను తీసుకొచ్చాను. ఒకటి మన రాజు అయితే, ఇంకోటి మన దొరబాబు. వీరిద్దరికీ ఇప్పుడు పందెం పెడదామని సరదాగా మీడియాతో మాట్లాడారు. ‘కోడిపందేలు తమకు కొత్తేమి కాదు. మేము గోదావరి జిల్లావాసులమే, సరదాగా చూసి వెళ్దామని ఇక్కడకు వచ్చామని’ దొరబాబు, రాజు అన్నారు. అలాగే తెలుగు రాష్ట్ర ప్రజలందరీకీ సంక్రాంతి శుభాకాంక్షలు తెలిపారు.