అపర జ్ఞాని.. ఈ చిన్నారి

బెంగళూరు: కర్ణాటకకు చెందిన ఓ బాలిక ఏడేళ్లకే డాక్టరేట్‌ అందుకుంది. బళ్లారి జిల్లా బొమ్మనహళ్లికి చెందిన నాగరాజ్‌, భారతీల కుమార్తె వైధ్రుతి నాగరాజ్‌ కోరిశెట్టర్‌ బాల మేధావిగా అందరి మన్ననలు పొందుతోంది. గఢఘ్‌ జిల్లా నారగుండలో ప్రస్తుతం రెండో తరగతి చదువుతున్న ఈ చిన్నారి.. రెండేళ్ల నుంచే జనరల్ నాలెడ్జ్‌ను ఒంటపట్టించుకుంది. జాతీయ, అంతర్జాతీయ రాజకీయాలు, ఆర్థిక అంశాలు, చరిత్ర విశేషాలు, కవులు, నదులు, రాజులు, సామ్రాజ్యాలు ఇలా వేటి గురించి అడిగినా టకటకా సమాధానం చెప్పేంతగా రాటుదేలింది. చిన్న వయస్సులోనే వందలాది అవార్డులు సైతం సొంతం చేసుకుంది. చిన్నారి అద్భుత జ్ఞాపకశక్తికి గాను మధురై విశ్వవిద్యాలయం ఆమెను డాక్టరేట్‌తో సత్కరించింది.