కృష్ణా నదిలో అమరావతి రైతుల జలదీక్ష

రాయపూడి: ఏపీ రాజధానిగా అమరావతిని కొనసాగించాలని డిమాండ్‌ చేస్తూ రాజధానిప్రాంత రైతులు జలదీక్ష చేపట్టారు. రాయపూడి వద్ద కృష్ణానదిలో రైతులు, మహిళలు మెడ లోతువరకు నీళ్లలో మునిగి నిరసన వ్యక్తం చేశారు. జై అమరావతి, సేవ్‌ ఆంధ్రప్రదేశ్‌ అంటూ నినాదాలు చేశారు. ముఖ్యమంత్రి జగన్‌మోహన్‌రెడ్డి నియంతృత్వ పోకడలు మానుకోవాలని హితవు పలికారు. జగన్‌ చర్యల వల్ల రాష్ట్రంలో అభివృద్ధి ఆగిపోయిందని విమర్శించారు.
శాసనమండలి రద్దు అంశంపైనా రైతులు మాట్లాడారు. రాజకీయ ప్రయోజనం కోసమే అధికార వైకాపా ప్రభుత్వం శాసన మండలిని రద్దు చేసిందని ఆరోపించారు. తాను చేస్తున్నది తప్పని తెలిసినా సీఎం మొండిగా వ్యవహరిస్తున్నారని ఆందోళన వ్యక్తం చేశారు.