బాబూ మూర ఎంత?

సంతలో పువ్వులు, కూరగాయలు కొన్న సుధా నారాయణమూర్తి

ఆమె చేతి సంచీ పట్టుకుని సంతలో కలియతిరిగారు... ఆమెను గుర్తించిన కొందరు ఆశ్చర్యపోయారు. సామాన్యురాలి మాదిరిగా కూరగాయలు, పువ్వులు కొనడాన్ని ఆసక్తిగా చూశారు. ఇంతకూ ఆమె ఎవరంటారా... ఇన్ఫోసిస్‌ ఫౌండేషన్‌ అధ్యక్షురాలు సుధా నారాయణమూర్తి. తమ ఇలవేల్పు షోర్పాలిలోని లక్ష్మీ నరసింహస్వామిని దర్శించుకునేందుకు ఆమె ఆదివారం కర్ణాటకలోని బాగల్‌కోట జిల్లా జమఖండి వచ్చారు. స్థానికంగా బంధువుల ఇంట్లో బసచేసి, ఏపీఎంసీ ప్రాంగణంలో వారపు సంతను సందర్శించారు. ఇటీవల కృష్ణానది వరదల్లో సర్వం కోల్పోయిన వ్యాపారులను పరామర్శించారు. సంతలో కొన్న కూరగాయలను తాను బెంగళూరు తీసుకెళ్తానని చెప్పారు.