భూములిచ్చి మేమెక్కడికి పోవాలి

అధికారులను నిలదీసిన విశాఖ జిల్లా రైతులు

విశాఖపట్నం, న్యూస్‌టుడే: సాగు చేసుకుంటున్న భూములిచ్చేసి మేమెక్కడికి పోవాలో అధికారులే చెప్పాలంటూ విశాఖ జిల్లా పద్మనాభం మండలం, తునివలస పంచాయతీ నరసాపురం గ్రామ రైతులు అధికారులను నిలదీశారు. గ్రామంలోని సర్వే సంఖ్య 74, 91లలో ఉన్న 181.65 ఎకరాల భూమిని సేకరించడానికి స్పెషల్‌ డిప్యూటీ కలెక్టర్‌ ఎం.వి.సూర్యకళ నేతృత్వంలోని అధికారుల బృందం గురువారం భూసమీకరణ గ్రామసభ నిర్వహించారు. సన్న, చిన్నకారు రైతులంతా ఈ ప్రక్రియను తీవ్రంగా వ్యతిరేకించారు. భూములను ఇచ్చేదిలేదని తేల్చి చెప్పారు. అధికారులు నచ్చజెప్పాలని ప్రయత్నించినా..వినకుండా సభ నుంచి వెళ్లిపోయారు.