విశాఖ మెట్రోకు కొత్త డీపీఆర్‌

అమరావతి: విశాఖలో మెట్రో రైలు ప్రాజెక్టుపై రాష్ట్ర ప్రభుత్వం కీలక నిర్ణయం తీసుకుంది. మెట్రోకు కొత్త డీపీఆర్‌ రూపకల్పన చేయాలని అధికారులను ఆదేశించింది. ఈ మేరకు ప్రతిపాదనల కోసం ప్రభుత్వం ఉత్తర్వులు జారీ చేసింది. ఈ ప్రాజెక్టు కోసం కొటేషన్లు పిలవాలని అమరావతి మెట్రో రైల్‌ ఎండీని ఆదేశించింది. గతంలో డీపీఆర్‌ రూపకల్పనకు ఎస్సెల్‌ ఇన్‌ఫ్రా కన్సార్టియంకు అప్పగిస్తూ ఇచ్చిన ఉత్తర్వులను రద్దు చేసిన రాష్ట్ర ప్రభుత్వం.. కొత్త డీపీఆర్‌కు ప్రతిపాదనలు ఆహ్వానించింది. విశాఖలో 79.9 కి.మీ పరిధిలో మెట్రో రైలు నిర్మాణం కోసం కొత్త డీపీఆర్‌కు ప్రభుత్వం కార్యాచరణ రూపొందించనుంది.