మేడారం జాతర నిర్వహణపై కేసీఆర్‌ సంతృప్తి

హైదరాబాద్‌: మేడారం సమ్మక్క- సారలమ్మ జాతర నిర్వహణపై రాష్ట్ర ముఖ్యమంత్రి కేసీఆర్‌ సంతృప్తి వ్యక్తం చేశారు. జాతర ఏర్పాట్లను ఎప్పటికప్పుడు పర్యవేక్షించిన రాష్ట్ర ప్రభుత్వ ప్రధాన కార్యదర్శి సోమేష్‌ కుమార్‌, డీజీపీ మహేందర్‌ రెడ్డిని సీఎం కేసీఆర్ అభినందించారు. జాతర నిర్వహణలో సహాయ సహకారాలు అందించిన అన్ని శాఖల ఉద్యోగులు, పోలీసులు, అధికారులను కేసీఆర్‌ అభినందించారు. అన్ని శాఖలు సమన్వయంతో వ్యవహరించి దిగ్విజయంగా జాతరను నిర్వహించారని కేసీఆర్‌ అన్నారు. గతంలో ఎన్నడూ లేని విధంగా ట్రాఫిక్‌ సమస్యలు తలెత్తకుండా అధికారులు చేశారని సీఎం కేసీఆర్‌ పేర్కొన్నారు.