Published : 10 Feb 2020 18:41 IST

పౌరసత్వం వదులుకుంటే పత్రాలు చూపించండి

చెన్నమనేని కేసులో హైకోర్టు

హైదరాబాద్‌: జర్మనీ పౌరసత్వం వదులుకున్నట్లయితే అక్కడి అధికార వర్గాల డాక్యుమెంట్లు సమర్పించాలని వేములవాడ ఎమ్మెల్యే చెన్నమనేని రమేష్‌ను హైకోర్టు ఆదేశించింది. కేంద్ర ప్రభుత్వం తన భారత పౌరసత్వాన్ని రద్దు చేయడాన్ని సవాల్ చేస్తూ చెన్నమనేని దాఖలు చేసిన పిటిషన్‌పై  ఇవాళ హైకోర్టులో మరోసారి విచారణ జరిగింది. చెన్నమనేనికి ఇప్పటికీ జర్మనీ పౌరసత్వం ఉందని హైకోర్టుకు కేంద్ర ప్రభుత్వం వివరించింది. చెన్నై నుంచి జర్మనీకి అక్కడి పాస్‌పోర్టుతోనే వెళ్లారని అదనపు సొలిసిటర్ జనరల్ వాదించారు. 

అయితే, తాను జర్మనీ పౌరసత్వం వదులుకున్నానని చెన్నమనేని హైకోర్టుకు నివేదించారు. భారత పౌరసత్వం ఉన్నప్పుడు జర్మనీ పాస్‌పోర్టుతో ఎందుకు వెళ్లారని హైకోర్టు ప్రశ్నించింది. పౌరసత్వం వదులుకోవడానికి ఇచ్చిన దరఖాస్తును జర్మనీ ప్రభుత్వం ఆమోదించిందా అని ఉన్నత న్యాయస్థానం చెన్నమనేని తరఫు న్యాయవాదిని అడిగింది. జర్మనీ పౌరసత్వం వదులుకున్నట్లయితే.. అక్కడి ప్రభుత్వ అధికారిక పత్రాలను సమర్పించాలని ఆదేశించింది. కేంద్ర ప్రభుత్వ ఉత్తర్వులపై స్టేను హైకోర్టు రెండు వారాలు పొడిగించింది. తదుపరి విచారణను ఈనెల 24కి వాయిదా వేసింది.

Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని