ఈ డైపర్‌ తడిస్తే తెలిసిపోతుంది!

వాషింగ్టన్‌: బుజ్జాయికి వేసిన డైపర్‌ బాగా తడిసిపోయిందేమోనని పదే పదే తడిమి చూడాల్సిన అవసరం లేకుండా అమెరికాలోని మసాచుసెట్స్‌ ఇనిస్టిట్యూట్‌ ఆఫ్‌ టెక్నాలచ్కీజీజి (ఎంఐటీ) పరిశోధకులు సరికొత్త ఆవిష్కరణ చేపట్టారు. పరిమితికి మించి తడిగా మారిన వెంటనే అప్రమత్తం చేయగల స్మార్ట్‌ డైపర్‌ను అభివృద్ధి చేశారు. తడిని శోషించుకునేందుకుగాను డైపర్‌లో ఉండే హైడ్రోజెల్‌ దిగువన పరిశోధకులు ప్రత్యేక సెన్సర్‌ను ఏర్పాటుచేశారు. దానిలో రేడియో ఫ్రీక్వెన్సీ ఐడెంటిఫికేషన్‌ (ఆర్‌ఎఫ్‌ఐడీ) ట్యాగ్‌ ఉంటుంది. డైపర్‌ పరిమితికి మించి తడి మారితే ఆర్‌ఎఫ్‌ఐడీ రేడియో సంకేతాలను విడుదల చేస్తుంది. ఒక మీటరు దూరంలోని సంకేత గ్రాహకాన్ని అవి చేరగలవు. వెంటనే అక్కడి నుంచి తల్లిదండ్రులు, సంరక్షకుల స్మార్ట్‌ఫోన్, కంప్యూటర్లకు సందేశం వస్తుంది. తక్కువ వ్యయంలోనే స్మార్ట్‌ డైపర్లను ఉత్పత్తి చేయొచ్చునని పరిశోధకులు తెలిపారు.