చిరంజీవి ఇంటిముట్టడిపై స్పందించిన ఐకాస

అమరావతి: ప్రముఖ సినీనటుడు చిరంజీవి ఇంటిని ముట్టడించనున్నట్లు అమరావతి పరిరక్షణ సమితి పేరిట తప్పుడు ప్రచారం జరుగుతోందని అమరావతి ఐకాస కన్వీనర్‌ గద్దె తిరుపతి రావు స్పష్టం చేశారు. సోషల్‌ మీడియాలో జరుగుతున్న ఆ ప్రచారంతో తమకు సంబంధం లేదని.. ఆ ప్రచారాలను నమ్మొద్దని చెప్పారు. చిరంజీవి ఇంటిని ముట్టడించాలంటూ తాము ఎలాంటి పిలుపు ఇవ్వలేదన్నారు. తమ ఉద్యమాన్ని నీరుగార్చేందుకు కొంతమంది కావాలనే కుట్రలు చేస్తున్నారని తిరుపతిరావు ఆరోపించారు. అమరావతిని రాజధానిగా కొనసాగించేందుకే ఐకాస కృషి చేస్తుందని ఆయన స్పష్టం చేశారు.