మార్చి 20 మాకు మరో ఉదయం: నిర్భయ తల్లి

దిల్లీ: నిర్భయ కేసులో నిందితులను మార్చి 20వ తేది ఉదయం ఉరి తీసేందుకు అంతా సిద్ధమౌతోంది.ఇప్పటికే వరుసగా నాలుగుసార్లు డెత్‌వారెంట్లు జారీ చేసిన దిల్లీ పటియాలా కోర్టు మరోసారి డెత్‌వారెంట్‌ జారీ చేసిన సంగతి తెలిసిందే. దీనిపై నిర్భయ తల్లి ఆశాదేవి స్పందిస్తూ మార్చి 20 ఉదయం తమ జీవితాలకు మరో కొత్త ఉదయం అవుతుందంటూ వ్యాఖ్యానించారు. ఈసారైనా ఖచ్చితంగా వారికి మరణశిక్ష అమలు చేస్తారనే ఆశాభావం వ్యక్తం చేశారు. 2012లో జరిగిన ఘటనలో కోర్టు పలుమార్లు విచారణ జరిపి నలుగురు నిందితులకు మరణశిక్షను ఖరారు చేసింది. అయితే నిందితులు ఈ తీర్పుపై పిటిషన్లు వేస్తూ ఉరిశిక్షను తప్పించుకుంటున్నారు. ఆ నలుగురు నిందితులకు వేసే శిక్ష ద్వారా మరొకరు ఇలాంటి ఘాతకాలకు పాల్పడలంటే భయపడేలా ఉండాలని నిర్భయ చివరి కోరికగా ఆశాదేవి పేర్కొన్నారు.