ఆడపిల్లకు జన్మనిచ్చిన దిశ నిందితుడి భార్య

వీరన్నపేట (మహబూబ్‌నగర్)‌: దిశ ఎన్‌కౌంటర్‌లో  మృతిచెందిన మహబూబ్‌నగర్‌ జిల్లా మక్తల్‌ మండలం గుడిగండ్ల గ్రామానికి చెందిన చెన్న కేశవులు భార్య రేణుక ఆడపిల్లకు జన్మనిచ్చింది. తొమ్మిది నెలలు నిండిన ఆమెకు నొప్పులు రావడంతో మహబూబ్‌నగర్‌ ప్రభుత్వ జనరల్‌ ఆసుపత్రిలో గురువారం చేర్పించారు. సాధారణ కాన్పు కోసం వైద్యులు ప్రయత్నించినప్పటికీ సాధ్యం కాకపోవడంతో స్త్రీ వైద్య నిపుణుల విభాగం అధిపతి డా.రాధ ఆధ్వర్యంలో శస్త్రచికిత్స చేశారు. రేణుక ఆడపిల్లకు జన్మనిచ్చింది. ప్రస్తుతం ఇద్దరి ఆరోగ్య పరిస్థితి మెరుగ్గానే ఉన్నట్లు వైద్యులు తెలిపారు. దిశ ఎన్‌కౌంటర్‌ జరిగిన సమయంలో ఆమె ఆరునెలల గర్భవతిగా ఉన్నారు. పన్నేండళ్లకే వివాహం కాగా.. ఆమె పద్నాలుగేళ్లకు ఆడబిడ్డను జన్మనిచ్చింది.