ఏపీలో మున్సిపల్‌ వార్డుల రిజర్వేషన్లు ఖరారు

అమరావతి: ఏపీలో మున్సిపల్‌ కార్పొరేషన్ల వార్డులకు రిజర్వేషన్లు ఖరారయ్యాయి. రాష్ట్రంలో మొత్తం 12 కార్పొరేషన్లలోని 671 వార్డులకు రిజర్వేషన్లు ఖరారయ్యాయి. వార్డుల వారీగా రిజర్వేషన్లను ఖరారు చేస్తూ అధికారిక ఉత్తర్వులు విడుదలయ్యాయి. వీటికి సంబంధించిన గెజిట్‌ నోటిఫికేషన్‌ను పురపాలక కమిషనర్‌ విజయ్‌కుమార్‌ విడుదల చేశారు. అనంతపురం - 50, చిత్తూరు 50, ఏలూరు 50 వార్డులకు రిజర్వేషన్లు ఖరారయ్యాయి. వీటితో పాటు గుంటూరు 57, కడప 50, కర్నూలు 52, మచిలీపట్నం 50, ఒంగోలు 50, తిరుపతి 50, విజయవాడ 64, విశాఖ 98, విజయనగరం 50 వార్డులకు రిజర్వేషన్లను ఖరారు చేశారు. ఈ నెల 9న పురపాలక ఎన్నికలకు నోటిఫికేషన్‌ విడుదల కానుంది.

గెజిట్‌ నోటిఫికేషన్‌ కోసం క్లిక్‌ చేయండి