హోలీ సందర్భంగా ‘కరోనాసుర’ దహనం!

ముంబయి:  చెడుపై మంచి సాధించిన విజయానికి గుర్తుగా హోలీ లేదా హోలికా పూర్ణిమ రోజు సాయంత్రం ‘హోలికా దహనం’ జరపటం సంప్రదాయం. అయితే పెరుగుతున్న కరోనా కేసుల నేపథ్యంలో కరోనా వైరస్ (కొవిడ్‌-19) భారత్‌కే కాకుండా ప్రపంచ దేశాలకు కూడా రాకాసిగా మారిన సంగతి తెలిసిందే. దాని నివారణకు ప్రపంచ దేశాలు నిర్విరామంగా కృషి చేస్తున్నాయి. కాగా ఈ విషయంలో ముంబయిలోని వర్లీ ప్రాంత నివాసులు ఓ అడుగు ముందున్నారు. వారు ఈ కరోనా రక్కసికి ఒక ఆకారాన్నిచ్చి, దానిని కనీసం ప్రతీకాత్మకంగానైనా నాశనం చేయాలని నడుం కట్టారు. 

వారు హోలికా దహనం సందర్భంగా కరోనావైరస్‌ భారీ దిష్టిబొమ్మను తయారుచేసి దానికి ‘కరోనాసురుడు’ అనే పేరు కూడా పెట్టారు. దానిని దహనం చేయనున్నారు.