ప్రజలందరికీ హోలీ శుభాకాంక్షలు: చంద్రబాబు

అమరావతి: ఆరోగ్యాన్ని దృష్టిలో పెట్టుకుని హోలీ పండుగ జరుపుకోవాలని తెదేపా అధినేత చంద్రబాబు నాయుడు ప్రజలకు పిలుపునిచ్చారు. హోలీ పండుగ వచ్చిందంటే ఆ ఉత్సాహం ఎంత రంగులమయంగా ఉంటుంతో అందరికీ తెలుసునన్న ఆయన.. ఈ సారి ఆ ఉత్సాహాన్ని కరోనా వైరస్‌ భయం నీరుగార్చిందన్నారు. పండుగ ప్రతి ఏటా వస్తుంది కాబట్టీ మరేం పరవాలేదంటూ ప్రజలందరికీ ట్విటర్‌లో హోలీ శుభాకాంక్షలు తెలిపారు.
రసాయన రంగులకు బదులు సహజసిద్ద రంగులతో సురక్షితంగా హోలీ జరపుకోవాలని తెదేపా జాతీయ ప్రధాన కార్యదర్శి నారా లోకేశ్‌ సూచించారు. వసంతోత్సవంగా చెప్పుకునే ఈ పండుగ  ప్రతి ఇంటికీ నిత్య వసంతాలను తీసుకురావాలని ఆకాంక్షిస్తున్నా అని ట్విటర్‌ వేదికగా హోలీ శుభాకాంక్షలు తెలిపారు.