తెదేపా ఎంపీపీ అభ్యర్థి ఇంట్లో మద్యం సీసాలు..

చిత్తూరు: చిత్తూరు జిల్లా కేవీబీపురం మండలంలో తెదేపా ఎంపీపీ అభ్యర్థి మల్లికార్జునరెడ్డిని పోలీసులు శనివారం అరెస్టు చేశారు. స్థానిక సంస్థల ఎన్నికల నేపథ్యంలో ఈ రోజు తెల్లవారుజామున మల్లికార్జున రెడ్డి ఇంట్లో పోలీసులు తనిఖీలు చేపట్టారు. ఈ తనిఖీల్లో మద్యం సీసాలను గుర్తించి స్వాధీనం చేసుకున్నారు.   మల్లికార్జునరావు ఇంట్లో మద్యం సీసాలు ఉన్నట్లు సమాచారం అందడంతో తనిఖీలు నిర్వహించినట్లు పోలీసులు తెలిపారు. అయితే గుర్తుతెలియని వ్యక్తులు తన ఇంట్లో మద్యం సీసాలు పెట్టినట్లు మల్లికార్జునరెడ్డి పోలీసులకు ఫిర్యాదు చేశాడు. అధికార వైకాపా నేతలే తన ఇంట్లో మద్యం సీసాలు ఉంచారని ఆరోపించారు. మల్లికార్జునరెడ్డిని అరెస్టు చేసిన పోలీసులు పుత్తూరు డీఎస్పీ కార్యాలయానికి తరలించారు.