పార్లమెంటులో సందర్శకుల పాసులు రద్దు

దిల్లీ: కరోనా రోజురోజుకూ వ్యాపిస్తున్న క్రమంలో పార్లమెంటులోకి సందర్శకుల ప్రవేశాన్ని నిలిపివేశారు. ఈ మేరకు లోక్‌సభ జనరల్‌ సెక్రటరీ స్నేహలతా శ్రీవాత్సవ శనివారం ప్రకటించారు. కరోనా వ్యాప్తి చెందుతున్న తరుణంలో ముందస్తు జాగ్రత్త చర్యగా ఈ నిర్ణయం తీసుకున్నట్లు తెలిపారు. ఈ మేరకు పార్లమెంటులోని పబ్లిక్‌ గ్యాలరీలోకి ప్రవేశం నిమిత్తం సందర్శకులకు ఇచ్చే పాసులను నిలిపివేస్తున్నట్లు తెలిపారు. తదుపరి ఉత్తర్వులు వచ్చే వరకు సందర్శకులకు ప్రవేశం ఉండదని పేర్కొన్నారు. ఇప్పటికే దేశవ్యాప్తంగా పలు శాసనసభల్లో సందర్శకుల పాసుల జారీని నిలిపివేశారు.