కర్ణాటకలో మరో కరోనా కేసు

బెంగళూరు: కర్ణాటకలో మరో కరోనా కేసు నమోదైంది. దీంతో మొత్తం కరోనా బాధితుల సంఖ్య ఏడుకు చేరింది. కరోనా లక్షణాలతో ఆదివారం ఓ మహిళ కలబురగి జిల్లా ఆసుపత్రిలో చేరింది. ఆమెకు వైద్య పరీక్షలు చేయగా కరోనా ఉన్నట్లు నిర్ధారణ అయింది. ప్రస్తుతం ఆమె ఆరోగ్య పరిస్థితి నిలకడగా ఉందని ఆ రాష్ట్ర వైద్యారోగ్య మంత్రిత్వ శాఖ తెలిపింది. ఈనెల 10న కరోనాతో మరణించిన వ్యక్తి కుమార్తె ఈమె. సౌదీ అరేబియా నుంచి కలబురగికి వచ్చినట్లు అధికారులు గుర్తించారు. మృతుడి కుటుంబంలో ఉన్న నలుగురి సభ్యుల్లో ఒకరికి వైరస్‌ సోకినట్లు తేలింది. దీంతో ఆ ప్రాంతానికి ఐదు కిలోమీటర్ల మేర చుట్టూ బఫర్‌ జోన్‌గా ఆరోగ్య మంత్రి శ్రీరాములు ప్రకటించారు. భారత్‌లో ఇప్పటి వరకు కరోనా బాధితుల సంఖ్య 108కి చేరుకుంది.