కరోనా మీకు..నాకు కాదు..పెంగ్విన్‌ ఆకర్షణ!

ఇంటర్నెట్‌డెస్క్‌: కరోనా ప్రభావంతో చికాగోలోని షెడ్‌ అక్వేరియంని మూసేశారు. అక్కడంతా సందర్శకులు లేక ఆ ప్రాంతం బోసిపోయింది.  ఇదే అదును అనుకుందో ఏమో ఓ పెంగ్విన్‌ ఆ భవనం చుట్టూ క్షేత్ర స్థాయిలో  పర్యటించేసింది. సముద్ర ప్రపంచంలోని ఇతర జీవులని కలవడానికి ఈ అవకాశాన్ని ఉపయోగించుకుంది. దాన్ని ఆ ప్రదేశం బాగా ఆకట్టుకున్నట్లుంది. మూసేసిన అక్వేరియంని సందర్శించిన పెంగ్విన్‌ వీడియోని ఆ అక్వేరియం అధికారిక ట్విటర్‌లో పోస్ట్‌ చేశారు.
ఈ వీడియో చాలా మంది అభిమానులను ఆకర్షించింది. పోస్ట్‌ చేసిన 14 గంటల్లోనే 8200కు పైగా ట్వీట్లు, లైకులు, 3,700కు పైగా రీట్వీట్లు చేశారు. ఇప్పటికి రకరకాల ట్వీట్లతో ఈ వీడియో ట్వీటర్‌లో హల్‌చల్‌ చేస్తుంది.