రేపు హైదరాబాద్‌ మెట్రో సేవలు బంద్‌

హైదరాబాద్‌: జనతా కర్ఫ్యూలో భాగంగా రేపు మెట్రో రైలు సేవలు నిలిపివేయాలని హైదరాబాద్‌ మెట్రో రైల్‌ అధికారులు నిర్ణయించారు. కరోనా వ్యాప్తిని నిరోధించేందుకు తీసుకోవాల్సిన జాగ్రత్తలపై ఇప్పటికే ప్రయాణికులకు ఈ సంస్థ అవగాహన కల్పిస్తోంది. మరోవైపు దిల్లీ మెట్రో సేవలను సైతం నిలిపివేస్తున్నట్టు నిన్న ఆ సంస్థ ప్రకటించిన విషయం తెలిసిందే.

ప్రపంచ వ్యాప్తంగా కరోనా మహమ్మారి విజృంభిస్తున్న నేపథ్యంలో దేశ వ్యాప్తంగా ఆదివారం జనతా కర్ఫ్యూ పాటించాలని ప్రధాని నరేంద్రమోదీ పిలుపునిచ్చారు. ప్రధాని పిలుపుమేరకు జనతా కర్ఫ్యూను విజయవంతం చేసేందుకు తెలుగు రాష్ట్రాల ప్రభుత్వాలు చర్యలు చేపట్టాయి.