లాక్‌డౌన్‌పై సమీక్ష.. కాసేపట్లో కేసీఆర్‌ ప్రెస్‌మీట్‌

హైదరాబాద్‌: కరోనా వైరస్‌ ప్రభావం నేపథ్యంలో విధించిన లాక్‌డౌన్‌ పరిస్థితులపై సీఎం కేసీఆర్‌ సమీక్ష నిర్వహించారు. ప్రగతిభవన్‌లో నిర్వహించిన సమీక్షకు సీఎస్‌ సోమేశ్‌కుమార్‌, డీజీపీ మహేందర్‌రెడ్డి సహా వివిధ శాఖల ఉన్నతాధికారులు హాజరయ్యారు. కరోనా కట్టడికి తీసుకున్న చర్యలపై అధికారులను సీఎం అడిగి తెలుసుకున్నారు. లాక్‌డౌన్ కొనసాగుతున్న క్రమంలో ప్రభుత్వం తాజాగా తీసుకున్న నిర్ణయాలను సీఎం వెల్లడించనున్నారు. దీనిపై కాసేపట్లో కేసీఆర్‌ మీడియా సమావేశం నిర్వహించనున్నారు. ఈ సందర్భంగా కరోనా వైరస్‌ వ్యాప్తిని కట్టడి చేయడమే లక్ష్యంగా ఆయన మరిన్ని కీలక నిర్ణయాలు వెలువరించే అవకాశం ఉంది.