కారులో మద్యం తరలిస్తూ పట్టుబడ్డ ఎక్సైజ్‌ సీఐ

అమరావతి : లాక్‌డౌన్‌ వేళ కారులో మద్యం తరలిస్తూ ఎక్సైజ్‌ సీఐ పట్టుబడ్డారు. అనపర్తి ఎక్సైజ్ సీఐ రెడ్డి త్రినాథ్‌ను ఎక్సైజ్‌ శాఖ మంత్రి నారాయణ స్వామి సస్పెండ్‌ చేశారు. నిన్న కారులో సీఐ అక్రమంగా మద్యం తరలిస్తుండగా కుతుకులూరులో స్థానికులు పట్టుకున్నారు. సీఐ తీరుపై మంత్రి నారాయణ స్వామి తీవ్ర ఆగ్రహం వ్యక్తం చేశారు. ఇంటి దొంగను ఈశ్వరుడైన పట్టలేడు అన్నట్టుగా ఎక్సైజ్‌ శాఖలో కొందరు అధికారుల తీరు దారుణంగా ఉందన్నారు. సస్పెన్షన్‌తో పాటు రూ.5 లక్షల జరిమానా కూడా విధించినట్లు తెలిపారు. త్రినాథ్‌పై శాఖాపరమైన విచారణకు అదేశించామని..ఇలాంటి అక్రమాలు ఎవరు చేసినా తీవ్ర చర్యలు ఉంటాయని హెచ్చరించారు.