రాములోరి కల్యాణంపై సీఎంవోకు ఫిర్యాదు!

ఒంటిమిట్ట: శ్రీరామనవమి బ్రహ్మోత్సవాల్లో భాగంగా ఒంటిమిట్ట కోదండ రామాలయంలో మంగళవారం రాత్రి సీతారాముల కల్యాణం సందర్భంగా జరిగిన ఏర్పాట్లు, తితిదే అధికారులు, సిబ్బంది హాజరు తీరుపై జిల్లాకు చెందిన దేవదాయశాఖ సీనియర్‌ అధికారి ఒకరు రాష్ట్ర ముఖ్యమంత్రి కార్యాలయానికి ఫిర్యాదు చేసినట్లు విశ్వసనీయ సమాచారం. జానకీరాముల పరిణయ ఘట్టానికి పరిమిత సంఖ్యలో అనుమతివ్వాలని రాష్ట్ర ఉన్నతాధికారులు ఆదేశించారు. ఇక్కడ తితిదే యంత్రాంగం నిబంధనలు పాటించలేదని, హోదాలతో పని లేకుండా 40 మందికిపైగా ఆలయంలోకి అనుమతిచ్చారని ఫిర్యాదులు పేర్కొన్నట్లు తెలిసింది. ఓ పోలీస్‌ అధికారి తన పట్ల అనుచితంగా ప్రవర్తించారని సదరు సీనియర్‌ అధికారి నొచ్చుకున్నట్లు సమాచారం.