వైరస్‌పై వృద్ధురాలి విజయం

85 ఏళ్ల వయసులో డిశ్ఛార్జి

 అనంతపురం: కరోనా అంటేనే అందరూ వణికిపోతున్న వేళ.. 85 ఏళ్ల వృద్ధురాలు, ఆమె మనవడు ఆ వ్యాధిని జయించారు. తనకు కరోనా పాజిటివ్‌ అని తెలిసినప్పుడు తొలుత ఆమె చికిత్సకు నిరాకరించారు. తర్వాత వైద్యులు, అధికారులు ఆమెలో మనోధైర్యాన్ని నింపడంతో సరేనన్నారు. అనంతపురం జిల్లాస్థాయి కొవిడ్‌ ఆసుపత్రిలో (కిమ్స్‌ సవీరా) ఈ నెల 5న చేరారు. 16 రోజుల్లో కరోనా నుంచి పూర్తిగా కోలుకుని ఇంటికి వెళ్లారు. ఈమె కుమారుడు ఇటీవలే కరోనా సోకి మరణించారు. అతడి నుంచే వృద్ధురాలికీ, ఆమె మనవడికీ కరోనా సోకింది. ఇద్దరూ ఒకే ఆసుపత్రిలో చికిత్స పొంది మంగళవారం డిశ్ఛార్జి అయ్యారు.