కన్నతండ్రే కాలయముడు!

కొడుకులను కాల్చి.. తానూ నేలకొరిగి

బల్లార్ష : కుటుంబ కలహాలతో క్షణికావేశంలో ఇద్దరు కుమారులను తుపాకీతో కాల్చి తానూ అదే ఆయుధానికి బలయ్యాడో తండ్రి. ఈ  ఘటన మహారాష్ట్రలోని చంద్రపూర్‌ జిల్లా బల్లార్‌పూర్‌లో జరిగింది. పట్టణవాసి మూల్‌చంద్‌ ద్వివేది(50)కి లైసెన్స్‌డ్‌ తుపాకీ ఉంది. మంగళవారం అతడికి కుటుంబ సభ్యుల మధ్య మాటామాటా పెరిగింది. కోపోద్రిక్తుడైన మూల్‌చంద్‌ తన కుమారులు ఆకాష్‌(22), పవన్‌(20)లపై తుపాకితో కాల్పులు జరిపాడు. అనంతరం తానూ కాల్చుకుని ప్రాణాలు తీసుకున్నాడు. ఆకాష్‌ని చంద్రపూర్‌ జిల్లా ఆసుపత్రికి తరలిస్తుండగా ప్రాణాలు వదిలాడు. మరో కుమారుడు పవన్‌ అదే ఆసుపత్రిలో మృత్యువుతో పోరాడుతున్నాడు.