‘దృఢ’సంకల్పం

   ఫిట్‌నెస్‌ కోసం బావి తవ్వకం

వ్యాయామంతోనే.. దృఢత్వం కలదోయ్‌... అంటున్నారు అంతర్జాతీయ పవర్‌ లిఫ్టింగ్‌ క్రీడాకారిణి అక్షతా పూజారి. లాక్‌డౌన్‌ సమయంలో శరీర దృఢత్వాన్ని (ఫిట్‌నెస్‌) కాపాడుకునేందుకు ఆమె బావి తవ్వకం చేపట్టారు. కర్ణాటకలోని ఉడుపి జిల్లా కార్కళ తాలూకా బోళ గ్రామానికి చెందిన ఈమె ప్రస్తుత సమయంలో ఇంటి ప్రాంగణంలో 25 అడుగుల లోతు బావిని తవ్వారు. ఏప్రిల్‌ 16న తవ్వకం ప్రారంభించారు. నీరు రాకపోయేసరికి నిరాశ చెందారు. గత నెల 24న సాయంత్రం పనిని చాలిద్దామని అనుకుంటున్న సమయంలో భూమి చెమ్మగా కనిపించింది. పట్టుదలతో తవ్వగా పాతాళగంగ పెల్లుబికినట్లు అక్షతా పూజారి పేర్కొన్నారు. నీరు వచ్చే సమయంలో తన సోదరుడు, ఇతరులు సహకరించారని ఆమె తెలిపారు.

- న్యూస్‌టుడే, ఉడుపి