వైకాపా నేత హడావుడిపై ఎస్పీ ఆగ్రహం

గుంటూరు: గుంటూరు నగరంలోని నల్లపాడు పోలీస్‌స్టేషన్‌లో వైకాపా నేత హడావుడిపై అర్బన్‌ జిల్లా ఎస్పీ రామకృష్ణ ఆగ్రహం వ్యక్తం చేశారు. ఈ వ్యవహారంపై డీఎస్పీ కమలాకర్‌ను పోలీస్‌స్టేషన్‌కు పంపించి విచారణ జరిపించారు. ఆయన ఇచ్చిన నివేదిక మేరకు ఓ కానిస్టేబుల్‌ను సస్పెండ్‌ చేశారు. ఘటన జరిగిన విషయం తన దృష్టికి తీసుకురాకపోవటంపై నల్లపాడు సీఐకి ఛార్జిమెమో ఇచ్చారు.  గత కొద్ది రోజులుగా స్టేషన్లో సదు వ్యక్తి చేస్తున్న పైరవీలపైనా విచారణ జరిపించారు. అతనితో చనువుగా ఉండటంతో పాటు డబ్బులు తీసుకున్నట్టు తేలడంతో  ఓ కానిస్టేబుల్‌ను వీఆర్‌కు పంపారు. స్టేషన్లో హడావుడి చేసిన వ్యక్తిని అరెస్టు చేసి కోర్టులో హాజరుపర్చారు. కోర్టు ఆదేశాల మేరకు అతన్ని రిమాండ్‌కు పంపించారు.