తెలంగాణలో మద్యం నిల్వలపై ఆరా

హైదరాబాద్‌: తెలంగాణలో మద్యం నిల్వలపై ఎక్సైజ్ శాఖ ఆరా తీస్తోంది. మద్యం దుకాణాల్లో నిల్వలు ఏ మేరకు ఉన్నాయో పరిశీలించాలని ఎక్సైజ్‌ స్టేషన్ల ఇంఛార్జ్‌లను అబ్కారీ శాఖ కమిషనర్‌ ఆదేశించారు. మద్యం దుకాణాలు తెరుచుకోవడానికి కేంద్ర ప్రభుత్వం అనుమతి ఇచ్చిన నేపథ్యంలో మద్యం నిల్వలపై అబ్కారీశాఖ వివరాలు సేకరిస్తోంది. ఆ మేరకు ఎక్సైజ్‌ స్టేషన్ల ఇంఛార్జ్‌ల ద్వారా ఎక్సైజ్ శాఖ డిప్యూటీ కమిషనర్లు దుకాణాల వారీగా వివరాలు సేకరిస్తున్నారు. సాయంత్రంలోగా దుకాణాల వారీగా లిక్కర్, బీరు నిల్వలపై ఎక్సైజ్‌ స్టేషన్ల ఇంఛార్జ్‌లు నివేదిక సమర్పించాలని ఎక్సైజ్ శాఖ కమిషనర్‌ ఆదేశాలు జారీ చేశారు.