టీఎస్‌ సీఎంఆర్‌ఎఫ్‌కి సింగరేణి భారీ విరాళం

హైదరాబాద్‌: కరోనా కట్టడి చర్యలకుగాను తెలంగాణ ముఖ్యమంత్రి సహాయనిధికి విరాళాలు కొనసాగుతున్నాయి. కరోనా వైరస్ కట్టడికి విధించిన లాక్ డౌన్ వల్ల ఇబ్బంది పడుతున్న పేదలను ఆదుకోవడానికి ప్రభుత్వం చేపడుతున్న కార్యక్రమాలకు మద్దతులగా సింగరేణి కాలరీస్ కంపెనీ లిమిటెడ్ రూ.40 కోట్ల విరాళం ప్రకటించింది. ఈ మేరకు సింగరేణి కాలరీస్‌ సీఎండీ శ్రీధర్ ప్రగతి భవన్‌లో ముఖ్యమంత్రి కేసీఆర్‌ను కలిసి విరాళానికి సంబంధించిన చెక్కును అందజేశారు. కరోనా మహమ్మారిపై పోరులో తెలంగాణ ప్రభుత్వానికి లలితా జ్యువెలర్స్‌ రూ. కోటి విరాళం అందించింది. ఈ చెక్కును సీఎం కేసీఆర్‌కు లలితా జ్యువెలర్స్‌ సీఎండీ కిరణ్ ‌కుమార్‌ అందజేశారు. ఏపీ, తమిళనాడుకు చెరో రూ. కోటి విరాళం ఇవ్వనున్నట్లు లలితా జ్యువెలర్స్‌ సీఎండీ కిరణ్ ‌కుమార్‌ తెలిపారు.