తెదేపా నేతలను అడ్డుకున్న పోలీసులు

విశాఖపట్నం: పెను విషాదానికి కారణమైన ఎల్జి పాలిమర్స్‌ పరిశ్రమను మూసివేయాలని డిమాండ్‌ చేస్తూ ఈరోజు ఉదయం నుంచి ఆందోళనలు కొనసాగుతున్నాయి. పరిశ్రమ గేటు వద్ద మృతదేహాలతో ఆందోళన చేస్తున్న బాధితులకు సంఘీభావం తెలిపేందుకు వెళ్తున్న తెదేపా నేతలను పోలీసులు మార్గ మధ్యంలోనే అడ్డుకున్నారు. మాజీ మంత్రి బండారు సత్యానారాయణమూర్తి, పీలా గోవింద్‌, బాబ్జీని పరిశ్రమకు కిలోమీటరు దూరంలో గోపాలపట్నం రోడ్డుపైనే పోలీసులు అడ్డుకున్నారు. పరిశ్రమలోకి వెళ్లేందుకు అనుమతిలేదని పోలీసులు స్పష్టం చేశారు. ఈ సందర్భంగా తెదేపా నేతలు, పోలీసులకు మధ్య స్వల్ప వాగ్వాదం చోటు చేసుకుంది.