ఏపీలో భూముల విక్రయానికి రంగం సిద్ధం

అమరావతి: రాష్ట్ర వ్యాప్తంగా ఎంపిక చేసిన చోట్ల భూముల విక్రయానికి రంగం సిద్ధమైంది. ఈ మేరకు అభివృద్ధి చేసిన భూముల విక్రయానికి బిల్డ్ ఏపీ మిషన్‌ కార్యాచరణ రూపొందించింది. వేలం ద్వారా ఈ భూములు విక్రయించాలని రాష్ట్ర ప్రభుత్వం నిర్ణయించింది. తొలి విడతలో విశాఖ, గుంటూరులో తొమ్మిది చోట్ల భూముల విక్రయించనున్నారు. ఈ నెల 29న విశాఖలో 6, గుంటూరులో 3 ప్రాంతాల్లో భూములకు బిల్డ్‌ ఏపీ మిషన్‌ ఈ-వేలం నిర్వహించనుంది. వేలం ద్వారా వచ్చే సమకూరే ఆదాయాన్ని నవరత్నాలు, నాడు- నేడు వంటి ప్రభుత్వ పథకాలకు వెచ్చించనున్నారు. భూముల వేలంలో ఎవరైనా పాల్గొనవచ్చని బిల్డ్‌ ఏపీ మిషన్‌ ప్రకటించింది.