ఏపీలో ఇంటర్‌ పరీక్షల తేదీలు విడుదల

అమరావతి: కరోనా నేపథ్యంలో ఆంధ్రప్రదేశ్‌లో వాయిదా పడిన ఇంటర్‌ ద్వితీయ సంవత్సరం పరీక్షల షెడ్యూల్‌ని ఏపీ ఇంటర్మీడియట్‌ బోర్డు ప్రకటించింది. జూన్ 3న ఇంటర్‌ ద్వితీయ సంవత్సరం మోడ్రన్‌ లాంగ్వేజ్‌-2, జాగ్రఫీ పరీక్షలు నిర్వహించనున్నట్లు బోర్డు ప్రకటించింది. జూన్‌ 3న ఉదయం 9 గంటల నుంచి మధ్యాహ్నం 12 గంటల వరకు పరీక్ష జరగనున్నట్లు బోర్డు తెలిపింది. పరీక్షలకు హాజరుకానున్న విద్యార్థులు తప్పనిసరిగా మాస్కు ధరించాలని ఇంటర్‌ బోర్డు సూచించింది. మార్చి 23న జరగాల్సిన ఈ పరీక్షలు కరోనా కారణంగా వాయిదా పడిన విషయం తెలిసిందే.