లాక్‌డౌన్‌పై పోలీసుల సందేశాత్మక వీడియో

హైదరాబాద్‌ : లాక్‌డౌన్‌ను పక్కాగా అమలు చేయడంలో పోలీసులు కీలకపాత్ర పోషిస్తున్నారు. ఆంక్షల దృష్ట్యా వాహనదారులు రోడ్లపైకి కాకుండా జాగ్రత్తలు తీసుకుంటున్నారు. నిబంధనలు ఉల్లంఘించిన వారిపై ఎక్కడికక్కడ జరిమానాలు విధిస్తున్నారు. హైదరాబాద్‌ పోలీసు కమిషనరేట్‌ పరిధిలో ఇప్పటి వరకు 8 లక్షలకు పైగా జరిమానాలు విధించారు. 80 వేలకుపైగా వాహనాలను స్వాధీనం చేసుకున్నారు. ఈనేపథ్యంలో ట్రాఫిక్‌ పోలీసులు క్షేత్రస్థాయిలో విధులను ప్రతిబింబించేలా రూపొందించిన ఓ వీడియో సామాజిక మాధ్యమాల్లో వైరల్‌గా మారింది. ట్రాఫిక్‌ అదనపు సీపీ అనిల్‌ కుమార్‌తోపాటు ఇతర ఉన్నతాధికారులతో సందేశాత్మక దృశ్యాలను చిత్రీకరించి వీడియో రూపొందించారు. ప్రస్తుతం ఈ సందేశాత్మక వీడియో సామాజిక మాధ్యమాల్లో వైరల్‌గా మారింది.