రేపు తెలంగాణ కేబినెట్‌ భేటీ

హైదరాబాద్‌: తెలంగాణ మంత్రిమండలి మరోసారి రేపు సమావేశం కానుంది. సోమవారం సాయంత్రం ఐదు గంటలకు సీఎం కేసీఆర్‌ అధ్యక్షతన కేబినెట్‌ ఈ భేటీ జరగనుంది. లాక్‌డౌన్‌ 4.0కు సంబంధించి కేంద్రం తాజాగా వెలువరించిన మార్గదర్శకాలపై ఈ భేటీలో ప్రధానంగా చర్చ జరగనుంది. లాక్‌డౌన్‌ విషయంలో రాష్ట్రంలో అనుసరించాల్సిన వ్యూహంపై చర్చించనున్నారు. నియంత్రిత పద్ధతిలో పంటల సాగు విధివిధానాలపైనా చర్చించే అవకాశం ఉంది. దీనికి తోడు అంతర్రాష్ట్ర బస్సు సర్వీసుల అంశం కూడా చర్చకు వచ్చే అవకాశం ఉంది. తెలంగాణలో ఇప్పటికే మే 29 వరకు లాక్‌డౌన్‌ పొడిగించిన సంగతి తెలిసిందే.