31 వరకు భక్తులకు అనుమతి లేదు: వెల్లంపల్లి

అమరావతి: లాక్‌డౌన్‌ అమలు నేపథ్యంలో ఈ నెల 31 వరకు ఆలయాల్లో భక్తులకు అనుమతివ్వడం లేదని ఏపీ దేవాదాయ శాఖ మంత్రి వెల్లంపల్లి శ్రీనివాస్‌ తెలిపారు. రాష్ట్రంలోని అన్ని ఆలయాలకు ఇది వర్తిస్తుందని చెప్పారు. ఈ మేరకు గత ఆదేశాలను కొనసాగించాలని దేవాదాయ శాఖకు మంత్రి ఆదేశాలుజారీ చేశారు. అయితే, అన్ని దేవాలయాల్లో నిత్య పూజలు మాత్రం కొనసాగుతుందని స్పష్టంచేశారు. ఆర్జిత సేవల కోసం ఆన్‌లైన్‌ ద్వారా చెల్లింపులు జరిపేందుకు భక్తులకు అనుమతిస్తున్నట్లు మంత్రి తెలిపారు.  ఈ మేరకు సేవలు అందించేందుకు అన్ని ఆలయాల్లో ఏర్పాట్లు చేయాలని ఆదేశించారు.