గడ్డ కట్టిన నీటిలోకి అమాంతం దూకేసి...

ఇంటర్నెట్‌డెస్క్‌: చలికాలంలో మామూలుగా ఉన్న నీటిలోకి దూకాలంటేనే వణికిపోతాం. అలాంటిది ఒక వ్యక్తి మంచుతో గడ్డకట్టుకుపోయిన నీటిలో ఒక కంతలోకి దూకి నీరు గడ్డకట్టిన కిందిభాగాన ఈత కొడుతూ మరో కంతలోనుంచి బయటకు వస్తున్నాడు. నార్వేకు చెందిన అర్నే హౌలెండ్‌ అందరిలా కాకుండా ఏదైనా కొత్తగా చేయాలనే ఎప్పుడూ అనుకుంటుఉంటాడు. అందుకు అనుగుణంగా ఇటువంటి ఫీట్లు చేస్తూ ఉంటాడు. దీనిపై అర్నే స్పందస్తూ ఇలా దూకడం తనకు కొత్తేమి కాదని వారానికొకసారి ఇలాంటి అడ్వెంచర్స్‌ చేస్తూనే ఉంటానని చెప్పుకొచ్చాడు. ఇందుకు సంబంధించిన పలు వీడియోలను సామాజికమాధ్యమాలలో ఉంచగా నెటిజన్ల నుంచి అద్భుతమైన స్పందన లభిస్తోంది. అద్భుతం అంటూ కొందరు, ఒళ్లు గగుర్పొడుస్తుందంటూ కొందరూ కామెంట్లు పెడుతున్నారు. ఆ వీడియోలు మీరు చూసేయండి.