శంషాబాద్‌ ఎయిర్‌పోర్టులో ప్రయాణికుల ఆందోళన

హైదరాబాద్‌ : రెండు నెలల తర్వాత దేశీయ విమాన సేవలు నేటి నుంచి తిరిగి ప్రారంభమయ్యాయి. అయితే శంషాబాద్‌ విమానాశ్రయంలో ప్రయాణికులు ఇబ్బందులు ఎదుర్కొంటున్నారు. చివరి నిమిషంలో విమానాలు ఆలస్యమవడంతో ప్రయాణికులు ఆందోళనకు దిగారు. ముందస్తు సమాచారం ఇవ్వకుండా పలు విమాన సర్వీసుల్లో మార్పులు చేశారని నిరసన చేపట్టారు. దీంతో విమానాల కోసం కొన్ని గంటలుగా లాంజ్‌లోనే పడిగాపులు కాస్తున్నారు. 

వివిధ కారణాలతో పలు మార్గాల్లో విమాన సర్వీసులను ఎయిరిండియా రద్దు చేసింది. శాంషాబాద్‌కు 100కిపైగా విమాన రాకపోకలు సాగించాల్సి ఉందని.. అయితే ఇవాళ 30 విమానాలు మాత్రమే రాకపోకలు సాగే అవకాశం ఉందని అధికారులు చెబుతున్నారు.