హైదరాబాద్‌లో విమానం అత్యవసర ల్యాండింగ్‌

హైదరాబాద్‌: ఎయిర్‌ ఏషియాకు చెందిన ఫ్లైట్‌ i51543 విమానం మంగళవారం హైదరాబాద్‌ రాజీవ్‌గాంధీ అంతర్జాతీయ విమానాశ్రయంలో అత్యవసరంగా ల్యాండ్‌ అయింది. జైపూర్‌ నుంచి హైదరాబాద్‌కు వస్తున్న ఎయిర్‌ ఏషియాకు చెందిన విమానంలో సాంకేతిక సమస్య తలెత్తింది. దీంతో 76మంది ప్రయాణికులతో వస్తున్న విమానాన్ని అత్యవసరంగా ల్యాండ్‌ చేశారు. ప్రయాణికుల భద్రతను దృష్టిలో పెట్టుకుని విమానాన్ని అత్యవసరంగా ల్యాండ్‌ చేసినట్లు ఎయిర్‌ ఏషియా తెలిపింది. ప్రయాణికులకు కలిగిన అసౌకర్యానికి చింతిస్తున్నామని ప్రకటించింది. అదేవిధంగా సమస్యకు కారణాన్ని కూడా అన్వేషించనున్నట్లు వెల్లడించింది.