తలలో ఫ్యాన్‌ బ్లేడ్‌.. 150 కి.మీ. ప్రయాణం

తలకు తగిలిన ఫ్యాన్‌ బ్లేడుతో  150 కిలోమీటర్లు ప్రయాణించాడు ఓ రెండున్నరేళ్ల బాలుడు. ఈ ఘటన మధ్యప్రదేశ్‌లోని ఇండోర్‌లో ...

Published : 31 May 2020 00:47 IST

ఇండోర్‌ (మధ్యప్రదేశ్‌): తలకు తగిలిన ఫ్యాన్‌ బ్లేడుతో 150 కిలోమీటర్లు ప్రయాణించాడు ఓ రెండున్నరేళ్ల బాలుడు. ఈ ఘటన మధ్యప్రదేశ్‌లోని ఇండోర్‌లో జరిగింది. బాంబే ఆసుపత్రి న్యూరో సర్జన్‌ డాక్టర్‌ అతుల్‌ గుప్తా తెలిపిన వివరాల ప్రకారం.. ఖండ్వా గ్రామానికి చెందిన రెండున్నరేళ్ల బాలుడు.. ఇంట్లో ఆడుకుంటుండగా వేగంగా తిరుగుతున్న ఫ్యాన్‌ బ్లేడు అతడి తలకు తగిలింది. గమనించిన బాలుడి తల్లిదండ్రులు స్థానిక జిల్లా ఆసుపత్రికి తీసుకెళ్లారు. అక్కడి వైద్యులు తమ వల్ల కాదని చెప్పడంతో చేసేదేం లేక 150 కిలోమీటర్ల దూరంలో ఇండోర్‌లోని ఎంవై ఆసుపత్రికి తీసుకెళ్లారు. అక్కడి నుంచి సర్జరీ కోసం బాంబే ఆసుపత్రికి తరలించారు. తమ వద్దకు వచ్చే సరికి బాలుడు స్పృహలో ఉన్నాడని..  సుమారు 45 నిమిషాల పాటు శ్రమించి తలలో ఇరుక్కున్న ఫ్యాన్‌ బ్లేడును తొలగించామని న్యూరో సర్జన్‌ డాక్టర్ అతుల్‌గుప్తా  వెల్లడించారు. 

Read latest General News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts