వలస కూలీల కోసం 99 ఏళ్ల బామ్మ తపన

ముంబయి: కరోనా వైరస్‌ కారణంగా వందలు, వేల కిలోమీటర్లు నడిచి వెళ్లున్న వలస కార్మికుల గురించి, వారి కష్టాల గురించి రోజూ వార్తలు వెలువడుతూనే ఉన్నాయి. అయితే, ఈ సంగతి తెలుసుకుని ఊరుకోకుండా శత వసంతాలకు చేరవవుతున్న ఉన్న ఓ బామ్మగారు చేసిన పని నలుగురికీ స్ఫూర్తి నింపుతోంది. దీనికి సంబంధించిన వీడియో ఒకటి సామాజిక మాధ్యమాల్లో విపరీతంగా వైరల్‌ అవుతోంది. ముంబయికి చెందిన ఓ 99 ఏళ్ల వృద్ధురాలు వలస కార్మికుల కోసం ఎంతో శ్రద్ధగా ఆహార పొట్లాలను తయారు చేయటం వీడియోలో కనిపిస్తోంది. కష్టాల్లో ఉన్న వారికి సాయం చేయాలనే ఈ బామ్మగారి సంకల్పానికి, తపనకు నెటిజన్లు ఫిదా అవుతున్నారు. ఆమెపై ప్రశంసల వర్షం కురిపిస్తున్నారు. ఆ వీడియో మీరూ చూసేయండి..