గోకుల్‌ చాట్‌ యజమానికి కరోనా

హైదరాబాద్‌: తెలంగాణలో కరోనా మహమ్మారి విజృంభణ కొనసాగుతోంది. హైదరాబాద్‌ కోఠిలోని ప్రముఖ గోకుల్‌ చాట్‌ దుకాణం యజమానికి కరోనా పాజిటివ్‌గా నిర్ధారణ అయింది. దీంతో అప్రమత్తమైన అధికారులు గోకుల్‌ చాట్‌ను మూసివేయించారు. అలాగే, దుకాణంలోని 19 మందికి క్వారంటైన్‌కు తరలించారు. గత మూడు రోజులుగా గోకుల్‌ చాట్‌కు వచ్చినవారి వివరాలను పోలీసులు సేకరిస్తున్నారు. 

రాష్ట్రంలో నిన్న ఒక్క రోజే కొత్తగా 219 కరోనా పాజిటివ్‌ కేసులు నమోదవ్వడంతో మొత్తం బాధితుల సంఖ్య 5193కి పెరిగిన విషయం తెలిసిందే. ఈ నెలలోనే రెండు వేలకు పైగా కేసులు నమోదవడం, అందులో హైదరాబాద్‌లోనే అత్యధిక కేసులు నమోదవుతుండటం ఆందోళన కలిగిస్తోంది.