అచ్చెన్నాయుడిని రెండో రోజు ప్రశ్నిస్తున్న ఏసీబీ

గుంటూరు: ఈఎస్‌ఐ వ్యవహారంలో ఆరోపణలు ఎదుర్కొంటున్న మాజీ మంత్రి అచ్చెన్నాయుడిని అవినీతి నిరోధక శాఖ అధికారులు రెండో రోజు ప్రశ్నిస్తున్నారు. అనిశా  కేంద్ర పరిశోధన బృందం (సీఐయూ) డీఎస్పీలు ప్రసాద్‌, చిరంజీవి నేతృత్వంలో విచారణ కొనసాగుతోంది. సాయంత్రం 6గంటల వరకు ఈ ప్రక్రియ సాగనుంది.
విచారణ ప్రారంభించటానికి ముందు అచ్చె్న్నాయుడికి జీజీహెచ్‌లో వైద్య పరీక్షలు నిర్వహించారు. ఎండోస్కోపీ తర్వాత ప్రత్యేక వార్డుకు తరలించిన అధికారులు అక్కడే విచారణ చేస్తున్నారు. విచారణ సమయంలో అచ్చెన్నాయుడితో పాటు ఆయన తరఫు న్యాయవాది హరిబాబు, వైద్యుడిని అనుమతించారు. నిన్న అచ్చెన్నాయుడిని 3గంటల పాటు ఏసీబీ అధికారులు ప్రశ్నించారు. విచారణను ఆడియో, వీడియో ద్వారా రికార్డు చేయమని అధికారులు స్పష్టం చేశారు.