వీకే సింగ్‌పై బదిలీ వేటు

హైదరాబాద్‌ : తెలంగాణ స్టేట్ పోలీస్ అకాడమీ డైరెక్టర్ వీకే సింగ్‌పై బదిలీ వేటు పడింది. డీజీపీ కార్యాలయంలో రిపోర్ట్ చేయాలని ఉన్నతాధికారులు ఆయన్ను ఆదేశించారు. పోలీస్ ఆకాడమీ సంచాలకులుగా.. పోలీసు రిక్రూట్‌మెంట్‌ ఛైర్మన్ వి.వి.శ్రీనివాసరావుకు అదనపు బాధ్యతలు అప్పగించారు. 

గత కొంతకాలంగా తెలంగాణ ప్రభుత్వంపై అసంతృప్తితో ఉన్న వీకే సింగ్‌ స్వచ్ఛంద పదవీ విరమణ కోరుతూ కేంద్ర హోం శాఖ కార్యదర్శికి లేఖ రాసిన విషయం తెలిసిందే. ఈ లేఖను కేంద్ర హోంశాఖ కార్యదర్శితోపాటు, తెలంగాణ ప్రభుత్వ ప్రధాన కార్యదర్శికి పంపించారు. గాంధీ జయంతి రోజు పదవీ విరమణ పొందాలనుకుంటున్నట్లు పేర్కొన్నారు. మూడు నెలల ముందుగానే నోటీసు ఇస్తున్నందున తన రాజీనామాను ఆమోదించాలని కోరారు.