వేడుకలు చేస్తే సమాచారమివ్వండి 

రాచకొండ సీపీ మహేశ్‌ భగవత్‌

హైదరాబాద్‌: కరోనా సోకిందని తెలిసినా ఎవరూ భయపడొద్దు... సరైన ఆహారం, జాగ్రతలు పాటిస్తే ఎలాంటి ప్రమాదం ఉండదు అని రాచకొండ సీపీ మహేశ్‌ భగవత్‌ అన్నారు. కమిషనరేట్‌ పరిధిలో కొవిడ్‌ నుంచి కోలుకొని విధుల్లో చేరిన ఎనిమిది మంది సిబ్బందిని ఆయన ఘనంగా ఆహ్వానించి, సత్కరించారు. ‘‘కమిషనరేట్ పరిధిలో 53 మంది సిబ్బందికి కరోనా సోకింది.  అందులో ఎనిమిది మంది ఆత్మస్థైర్యం కోల్పోకుండా కరోనాను జయించారు. మిగిలినవాళ్లు కోలుకుంటున్నారు’’ అని సీపీ చెప్పారు.  

‘‘కమిషనరేట్‌ పరిధిలో ప్రత్యేక డ్రైవ్ చేపట్టి మాస్క్ లేకపోతే ఫైన్‌ విధిస్తున్నామని మహేశ్‌ భగవత్‌ చెప్పారు. ఎవరైనా గుమిగూడి కార్యక్రమాలు చేస్తున్నా, వేడుకలు చేస్తున్నా సమాచారమివ్వండని సీపీ ప్రజలను కోరారు.