...ఫలితాల వెల్లడిలో జాప్యం నిజమే: ఆళ్ల నాని

కరోనా బాధితులతో మాట్లాడిన ఏపీ మంత్రి

విజయవాడ: ‘‘ప్రైవేటు ల్యాబుల్లో ఒకట్రెండు ఫలితాలు తప్పుగా వచ్చినట్లు తెలిసింది. మరోసారి తప్పుడు రిపోర్టు వస్తే లైసెన్స్‌ రద్దు చేయడానికి వెనుకాడం’’ అని ఆంధ్రప్రదేశ్‌ వైద్య శాఖ మంత్రి ఆళ్ల నాని అన్నారు. కరోనా బాధితులతో మంత్రి మాట్లాడారు. వారికి అందుతున్న ఆహారం, వైద్య చికిత్సపై ఆరా తీశారు. ఆస్పత్రిలో అందుతున్న సేవలపై కొవిడ్‌ బాధితులు సంతృప్తి వ్యక్తం చేశారని మంత్రి చెప్పారు. 

ఏ సమస్యలున్నా తమ దృష్టికి తీసుకురావాలని వైద్యులను మంత్రి నాని కోరారు. అనంతరం మంత్రి మాట్లాడుతూ ‘‘ఒక్కో కరోనా బాధితుడి ఆహారానికి రూ. 500 కేటాయించాం. ఆహార సరఫరాలో అవినీతి చేస్తే గుత్తేదారులను వెంటనే తొలగిస్తాం. టెస్టుల సంఖ్య పెంచడం వల్ల ఫలితాల వెల్లడిలో జాప్యం నిజమే’’అని చెప్పారు.