కేసీఆర్‌ ప్రకటనను స్వాగతిస్తున్నాం: అసదుద్దీన్‌ ఓవైసీ

హైదరాబాద్‌: సచివాలయ భవనాలను కూల్చివేస్తున్న క్రమంలో దెబ్బతిన్న ఆలయం, మసీదులను ప్రభుత్వ ఖర్చులతో మళ్లీ నిర్మిస్తామంటూ ముఖ్యమంత్రి కేసీఆర్‌ చేసిన ప్రకటనను ఎంఐఎం పార్టీ అధినేత, ఎంపీ అసదుద్దీన్‌ ఓవైసీ స్వాగతించారు. యునైటెడ్‌ ముస్లిం ఫోరం తరఫున పూర్తి ప్రకటన విడుదల చేస్తామన్నారు.భవనాలు కూల్చే క్రమంలో ప్రార్థనా మందిరాలపై శిథిలాలు పడి కొంతనష్టం జరిగిన విషయం ముఖ్యమంత్రి దృష్టికి వెళ్లిన సంగతి తెలిసిందే. దీనిపై ఆయన  తీవ్ర విచారం వ్యక్తం చేశారు. జరిగిన దానికి ఎంతో చింతిస్తున్నానని, అందరూ సహృదయంతో అర్థం చేసుకోవాలని కోరారు ఎన్ని కోట్లయినా వెనకాడకుండా ఆలయం, మసీదులను విశాలంగా తిరిగి నిర్మిస్తామని హామీ ఇచ్చారు. త్వరలోనే ఆలయం, మసీదు నిర్వాహకులతో సమావేశమై కార్యాచరణ ఖరారు చేస్తామని చెప్పారు.