ఆ పరీక్షతో లక్షణాల్లేని కరోనా జాడ గుర్తింపు

టోక్యో: ఎలాంటి లక్షణాలూ లేని కొవిడ్‌ కేసుల జాడను త్వరగా గుర్తించేందుకు ఆర్టీ-ల్యాంప్‌ లాలాజల పరీక్షే ఉత్తమమని జపాన్‌ శాస్త్రవేత్తలు పేర్కొన్నారు. ‘‘లక్షణాల్లేని కేసులను గుర్తించడం కష్టతరం కావడంతో కొవిడ్‌ నియంత్రణ అసాధ్యమవుతోంది. విరివిగా చేసే పీసీఆర్‌ పరీక్షలను ఆర్టీ-లాంప్‌ టెస్ట్‌తో పోల్చి చూశాం. ఇందులో భాగంగా జపాన్‌లోని 2 వేల మంది నుంచి నాసోఫర్యాంజిల్‌ స్వాబ్‌ను, లాలాజల నమూనాలను సేకరించాం. రెండింటిలోనూ ఫలితాలు దాదాపు ఒకే విధంగా వచ్చాయి. అయితే... ముక్కు నుంచి సేకరించే నమూనాలతో పోల్చితే ఆర్టీ-ట్యాంప్‌తో నిర్వహించే లాలాజల పరీక్ష చాలా సులభం. త్వరగా, ఎక్కువమందికి ఒకేసారి పరీక్షలు చేసేందుకు అనువుగా ఉంటుంది’’ అని హొకైడో యూనివర్సిటీ పరిశోధకుడు తకనొరి తెషిమా పేర్కొన్నారు.