TS News: ఈటల విమానంలో సాంకేతిక లోపం

దిల్లీ: తెలంగాణ మాజీ మంత్రి, భాజపా నేత ఈటల రాజేందర్‌, ఎమ్మెల్యే రఘునందన్‌రావుతో పాటు మరికొంతమంది నేతలు ప్రయాణిస్తున్న విమానంలో సాంకేతిక లోపం తలెత్తింది. భాజపాలో చేరిక సందర్భంగా ఈటలతో పాటు మాజీ ఎమ్మెల్యే ఏనుగు రవీందర్‌ రెడ్డి, మాజీ జడ్పీ ఛైర్‌పర్సన్‌ తుల ఉమ తదితరులు దిల్లీ వెళ్లారు. ఈరోజు ఈటల బృందం తిరిగి హైదరాబాద్‌ బయల్దేరింది. ఈ క్రమంలో ఈటల బృందం సహా 184 మంది ప్రయాణికులతో ఉన్న విమానం టేకాఫ్‌ అవుతున్న సమయంలో సాంకేతిక లోపం తలెత్తింది. వెంటనే పైలట్‌ అప్రమత్తం కావడంతో ప్రమాదం తప్పింది. దీంతో విమానం గంట ఆలస్యంగా బయల్దేరింది.