Free sanitary napkins: అతివలకు ఉచితంగా న్యాప్‌కిన్లు

జైపుర్‌: మాజీ ప్రధాని ఇందిరాగాంధీ జయంతిని పురస్కరించుకుని నవంబరు 19 నుంచి కీలకమైన పథకానికి రాజస్థాన్‌ ప్రభుత్వం శ్రీకారం చుడుతోంది. రాష్ట్రంలోని మహిళలందరికీ ఉచితంగా న్యాప్‌కిన్లు పంపిణీ చేస్తామని ప్రభుత్వం ప్రకటించింది. ఈ పథకానికి రూ.200 కోట్లు కేటాయించేందుకు ముఖ్యమంత్రి అశోక్‌ గహ్లోత్‌ అనుమతిచ్చారు. పాఠశాలలు, కళాశాలలు, అంగన్వాడీ కేంద్రాల ద్వారా దశలవారీగా న్యాప్‌కిన్లు పంపిణీ చేయనున్నట్లు ప్రభుత్వం పేర్కొంది. వీటిని రాష్ట్ర ఆరోగ్య సేవల సంస్థ తయారు చేస్తుంది. రాష్ట్రస్థాయిలో ఒకరు, జిల్లాకు ఒకరు వంతున ప్రచారకర్తలను నియమిస్తామని ప్రభుత్వం తెలిపింది.