Published : 01/12/2021 09:24 IST

omicron: ఒమిక్రాన్‌.. గుట్టు విప్పేందుకు సీసీఎంబీకి

హైదరాబాద్‌: కొవిడ్‌ కొత్త రకం ఒమిక్రాన్‌పై అధ్యయనం చేసేందుకు పరిశోధన సంస్థలు అప్రమత్తమయ్యాయి. వైరస్‌ జన్యుక్రమ ఆవిష్కరణలో అనుభవం కలిగిన సీసీఎంబీ మరోసారి కొవిడ్‌ జీనోమ్‌ సీక్వెన్సింగ్‌పై దృష్టి పెట్టింది. విదేశాల నుంచి రాష్ట్రానికి వచ్చే ప్రయాణికులకు ఆర్‌టీపీసీఆర్‌ పరీక్షలు తప్పనిసరి చేశారు. పరీక్షల్లో పాజిటివ్‌ వచ్చిన కేసుల్లో ఐదు శాతం నమూనాలను వైరస్‌ జన్యుక్రమ ఆవిష్కరణకు సీసీఎంబీ, సీడీఎఫ్‌డీ, గాంధీ ఆసుపత్రి ల్యాబ్‌లకు పంపనున్నారు. ఇందులో అత్యధిక నమూనాలు సీసీఎంబీకి చేరుతున్నాయి. గత ఏడాది మే నుంచి సీసీఎంబీలో వైరస్‌ జన్యుక్రమ పరిశోధనలు జరుగుతున్నాయి. కొవిడ్‌ రెండోదశ సమయంలో వీటిపై ముమ్మరంగా పనిచేశారు. ఎప్పటికప్పుడు సర్కారును అప్రమత్తం చేశారు. కొద్ది నెలలుగా డెల్టారకం తగ్గుముఖం పట్టడం.. నమూనాల్లో అత్యధికం డేల్టా వేరియంటే బయటపడుతుండటంతో క్రమంగా జన్యుక్రమ ఆవిష్కరణకు వచ్చే నమూనాలు తగ్గిపోయాయి. ఇప్పుడు ఒమిక్రాన్‌.. డెల్టా కంటే వేగంగా వ్యాపిస్తున్నట్లు అంచనాల నేపథ్యంలో నగరంలో వెలుగు చూస్తున్న కేసులు ఏరకానికి చెందినవో తెలుసుకోవడం చాలా ముఖ్యం. దీంతో పాజిటివ్‌ వచ్చిన నమూనాలు జన్యుక్రమ ఆవిష్కరణ కోసం సీసీఎంబీకి పంపుతున్నారు. ఇతర నగరాల నుంచి కూడా నమూనాలు వస్తున్నాయి. వాటిలో మ్యుటేషన్లు, వ్యాప్తి తీరునూ ఇక్కడి పరిశోధకులు అంచనా వేయనున్నారు. అందుకు కొంత సమయం పడుతుందని చెబుతున్నారు.  

Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని